NORWAY CHIN MISSION CHURCH

NORWAY CHIN MISSION CHURCH
ZARHPI CAANHMANNAK
Rianhmi si lo in, riantu (Mk.10:45)

Baptist Center, Stabekk 08.04.2012 (13:00)
Pumhhruaitu . . . Pu Lian Khuai
Hramthawk Baibal Relnak . . . Pumhhruaitu
Pumhkawhnak Hla (KH 198) . . . (Ni sarih chungah . . .)
Hramthawk Thlacam . . . Pu Ceu Thang
Thlacam Lehnak Hla . . .(Kannih thlacamnak…)
Zapi Hla . . . KH. 142
Bawipa Thlacamnak (ZapiDir)
Thawngthanhnak
Hlaremh …… Church School hngak chia
Thawhlawm Khawlhnak
Solo . . . Nu Rem Iang Chin
Chaw apnak Hla (Zapi Dir) . . . (Ka ngeih vialte pe hman…)
Thawhlawm ca thlacam . . . Pu Leng Dun
Solo …… Nu Stellar Sung
Zapi Thlacam rualnak …. Lairam le Kawlram ca
Hlaremh ….. Churchschool tleirawl
Thlacam Kawhnak Hla . . . (Nangmah duh bangin…)
Khrihfabu le a herhmi a dang2 ca .. Nu Zing Hnem Sung
Chawnghlaang Relnak(Zapi Dir) . . . Gideon
Zapi Hla . . . KH. 35
Thawngthachim Bible relnak . . . Pu Tuan Hmung
Hlahremh . . . NCMYF
Thawngtthachimnak . . . Pu Tuan Hmung
Thluachuah thangthat hla . . . Zapi dir
Donghnak thlacamnak . . . Pu Thawng Lian

A men voi thum…………Amen….Amen…….Amen##
Bawipa nih thluachuah kan pe cio ko seh!!!!!!

Zapi Bible relmi

THAWHTHAN NI
(Easter- Life and Immortality)
Sabbath ni cu aa lim cang i zarh khat chung ni hmasa bik ni hmasa bik ni khuadei kate ah khin Marimagdalin le a dang Mari kha thlan va zoh awkah cun an kal.
Chikkhatte ah khin li aa hnin i Bawipa vancungmi pakhat vancung in a rung tum i thlankhar kha a thawn i a cungah cun a thu.
Vacungmi nih cun nu kha a thawh hna i, ‘’Nan thinphang hlah u, vailam tahnak thing i khenh chihmi Jesuh nan kawl ti kha ka hngalh.
Amah cu hika ah hin a um ti lo, a chim bantukte khan a tho cang. Ra u law an chiahnak hmun hi ra zoh hmanh u
Cucaah khulrang in va kal u law a zultu hna kha, thihnak in thawhter a si cang i atu cu nan hmaiah Galiliram ah a rak kal chung cang, khi ka ah nan va hmuh lai, tiah va chim hna u. Cun kan chimhmi hna hi philh hlah u,’’ tiah a ti hna
Cu caah i hnawnam ngaiin thlan khan an kir, an thin a phang pah an i lawm pah i a zultu hna va chimh awkah khan an le.
Sihmanhsehlaw biatak cu hihi a si: ‘Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai,’ tinak aamahkhan a si.
Thihnak cu mi pakhat thawngin a tlun bantukin thawhthannak zong cu mi pakhat thawngin a tlung ve.
Adam he an i pehtlaihnak thawngin mi vialte cu an thih bantukin Khrih he an i pehtliahnak thawngin mi vialte cu nunnak ah thawhter an si lai.
‘’Keimah hi thawhthannak le nunnak cu ka si. Keimah a ka zummi poah cu a thih hmanh thi sehlaw a nung than lai. Cun ahohmanh a nung i keimah a ka zummi cu an thi bal lai lo,’’ a ti.
Mat. 28: 1, 2, 5, 6; 8; 1Kor. 15: 20, 21, 22; jhn. 11: 25, 26.

Tukum 2012 Jesuh thawhthan cam tuak cu Khrihfabu dihlak dam te’in kan hman khawh ca’ah a nungmi Pathian a min thangthat si ko seh. Kan i nuam ngaingai. Zarhte zaan ah mino hna lei in debate tete zawng an tuah i lung a hmui khun. An i ceihbik mi a kawng cu ” Mino hruainak maw? Upa hruainak in dah khrihfabu a thancho deuh?” timi kawng ah hngatchan in biaceih a si. Pakhat nak a latu cu mino hruainak a biapi deuh timi a chimtu Vaal Bawi Dawt( Hokksund) nih a ngah. Cun pahnih nak kha Nu Stellar Sung cun pathum nak kha pi Holy nu hna nih teinak cu an kan lak piak.

### tlawmpal ah thawhthan hmannak le khrihfabu cawlcangh nak tete kan van thlah than te lai”

Nihin tiang Pathian dawtnak thawngin Khrihfabu kan dam lio a si. Snow a tam ngai i biakinn ah chuah khawh a har ngai. Sihmanh seh law aroh hlan ah summer kan phan than cang lai i a nuam chin lengmang ko lai.

Khrihfabu nih kan herh cemmi biakinn cawknak dingah nifa tin thlacam philh hna hlah u sih. Zeizawng vialte thiltuah kho tu Pathian nih a kan pek ko lai…

Tukum 2011 Jesuh chuah lawmhnak cu NCMC khrihfabu members dihlak cungah um ko seh! Kan i ngaihtuk mi le Khrihfami nih kan sunhsak tuk mi a si bantuk in tlangtling te le lunglawm thanuam te’in caan kan hmang cio nak lai thla cam hna u sih.

Mino zaanvah zawng tlamtling te’in lim nak caan tha a kan petu Pathian sinah lunglawmh nak tampi kan nei. Khrihfabu nu le pa sinah hmaipanh te le lungthin dihlak he kutka nan rak kan awnhnak cungah lunglawmh nak chimcawk lo kan nei.

Christmas lawmhnak nan cungah um ko seh!

Mino zanvah hmanthlak

Tukum X’mas thla cu NCMC mino ca’ah a nuam in a sunglawi khun. Khrihfabu umnak hmunkip ah Mino upa hruainak in carol vah si i a nuam hringhran. Tuzarh hin a zarh hnihnak a si cang i December 15 zarh khi Sweet December dawn pah in Auskorg um khrihfabu members sin ah vah te ding a si. Tuzarh tiang kan vahnak kip ah Pathian lam hruainak thawng in kan tluang. Tukum hi a voikhat nak mino Christmas carol kan vah khawh a si i kan i nuam khun. Khamhtu Bawi cu Khrihfabu members pakhat cio cungah chuak in cam cin ko seh tiah thla kan cam.

Christmas zaan vah lio

Laitlang i thlarau lei pa cem ah kan i neihmi Pathian salpa Rev.Chan Ling cu a luan ciami ah khan Denmark um Laimi Khrihfabu pawl nih Pathian rawl petu dingah caan saupi an rak buaipi nain in Denmark kan hawi le Laimi sin cu phan kho lo in a um. Sinain zeizawng vialte a neitu kan biakmi Pathian nih Oslo khuasa NCMC ( Norway Chin Mission Church) hmangin Rev. Chan Ling cu a luanmi caan tlawmpal ah khan dam te’in Europe a rak phanh ter. Thailand ram Bankok in Oslo a phanh hnu ah lai hri tlai khat Denmark ram um miphun hawi sin ah caan tlawmpal a va um i, cu hnu ah tuzarh cu dam te’in NCMC zawngah a rak phan than cang.

Zaan hnih riak in NCMC biakinn ah cawnpiak nak a kan neih. Khrifabu members dihlak kan lung ai lawm i thlarau tihal mi tampi kan ti a riam. NCMC khrihfabu pi lungthin a cawlter kho tu Pathian salpa Rev.Chan Ling cungah hin Khrihfabu nih kan lunglawmh nak kan chim cawk loh. Kan Khrihfabu in hmundang lei a kal lai kan siang hringhran loh. Abia chim ngaih a nuam i Pathian nih a hman hrimhrim ko ti zawng mipi hmai ah a lang. Minung sinak in kawl khawhmi fimnak hmanglo in zeizawng vialte theih khawh nak le tuahkhawh nak a neitu Pathian fimnak in a kan cawnpiak tik ah Khrihfabu pi cungah thanghthar nak a tlung khun. A bia ngaih kan cim hringhran lo na te’in Pathian nih caan a serpiak mi ningin a kan kal tak ruangmang ko. Kan miphun bawipa lei ah tungmer tu Pathian saltha taktak a si ko. Hmailei tu ah Pathian nih caantha kan ser piak hram seh ti tu in saduh thah bu he thlazaa kan cam!

Rev.Chan Ling cu Bawipa nih a ram ca’ah hmang cam cin ko seh! A men…

NCMC ( Norway Chin Mission Church)

* Khrihfabu chungin innthar a cawmi Holy pa te chung cungah Khrihfabu nih kan lawmhpi hna.
* Pu Mang Luai driver license a ngahmi cungah Khrihfabu nih kan lawmhpi hna.
* Ngaihchiat a tawngmi Vaal Henry cu Khrihfabu nih ngaihchiat nak kan hrawmpi ve.
* Khrihfabu ah a damlo mi an tam ngai, Michael pa te chung zawng damlo ngai in an um i ngandam nak a neitu Pathian sin ah damnak halpi hna u sih!
* Hmaizarh cu Rev.Chan Ling kan sin ah a rak phan lai ca’ah Khrihfabu dihlak chuah khawh i zuam cio hna u sih.

22-23 october 2011 ah khan Norway khualipi a simi Oslo ah OCO hruainak in Chin Kumthar cu nuam tein kan tuah. Kan i nuam ngaingai. Minung 100-200 karlak hrawng kan chuak kho. Atu bantuk in kanmah kan kumthar te kan tuahnak nih hin kan miphun kan i kilvennak a fehter lawng si lo in kan biaknak lei zawngah a fehter tu a si hrimhrim lai tiah zumhnak kan nei. Dam te’in 2012 tik zawngah Chin Kum Thar dam te’in kan tuah khawhnak lai Pathian sinah thla cam hna u sih.

Kan biakmi Pathian nih in umpi ko hna seh! Amen…

Tuchun pumh cu a nuam hringhran. Khrihfabu a tam u cu kan chuak kho i Khrihfabu chungin Pu Uk Lian Ceu ( Ukte) te nau Daniel chuahlawmh nak zawng tlamtling te’in kan tuah kho. Thawngtha Sweden lei in a rak kan tlawngmi Lai Pastor nih a kan chimh i a cungah kan i lawm. Pumh dih in nau chuah lawmhnak rawl dumti nak kan nei i mi zapi cu kan hmailawng a panh ko. Dam te’in kan um a si ah cun hmaizarh cu Women Sunday a si i kan nu le pawl ca’ah ni sunglawi ngai pakhat a si ca’ah Khrihfabu zapi zawng chuah khawh i zuam hna u sih.

Kum 2 chung Pathian tihzah bu te’in NCMC Khrihfabu ah Pastor a kan tuanpiak tu CCC, Hakha in W.Khen Chum Bik (Nabual khua mi)cu a sianginn kaimi Master a dih ca’ah 10.august.2011(wednesday) ah khan Gardemoen airport(Oslo luft) in Kawlram lei ah a kan tlun tak cang. Khrihfabu nih kan saing lo tuk i kan thlauh tuk nain a cawnmi fimnak le thiamnak vialte Laimi phun ca’ah le Bawipa ca’ah hmanlo um kha a duhlo ca’ah atu bantuk in miphun ca’ah a kir thanmi cu a si. Khrihfabu kan ngaihchia i kan li a leng hringhran. A lungthin put kan zoh tik ah kan upat i kan thangthat. A chimmi nak in a tuahsermi nih nun a kan chimh i a kan cawnpiak khun. Laimi ca’ah pasal tha hrimhrim a si. Zeitik hmanh ah Pathian hmai kawl dingin Khrihfabu hi a kan cawnpiak zungzal i a kan forhfial.

Khrihfabu nih kan saing hrim lo. Kan mitthli a tla. Amah zawng a mitthli a tla ve. Miphun ca le Bawipa rianthiang a tuannak ah Pathian nih lamhruai chin sehlaw hmangchin ko seh. Pastor William Khen Chum Bik, dam te’in mangtha law, NCMC dihlak nih kan in dawt tuk.

Atang lei hi atlun lai bia a kan roh pengmi an si.

Dam tein mu dawtmi vialte.
Ton thannak caan Bawipa nih kan pe ko seh.
Pumpak cio Bawipa biatak chungah khuasa ko u.
Chungkhar kip idaw tein nuam tein khuasa dih u.
Khrihfabu i daw peng u, siang rual tein ttang peng u.
I ngia hlah u, i simh hlah u, i thangchiat hlah u.
I hlam u, i ngai u, i daw cikcek u.
Bawipa thluachuah innka kaupi in ong u.
Bawipa thluachuah tinung tampi in dong u.
Kaa lawmhnak tlinter hram u.